Қазақстандық делегация Қытай қалаларындағы Geely өндірістік кешендерін аралады
Қазақстандық ірі бизнес-делегациясы Қытайдың бірнеше өңіріндегі Geely автомобиль жасау корпорациясының бірқатар кәсіпорындары мен өндірістік кешендерін аралады. Чансинь қаласындағы Geely зауытын аралау кезінде метанол отынымен жүретін Geely Emgrand гибридті автомобильдерінің жобасы бойынша ынтымақтастық туралы келісімге қол қойылды. Рәсімге Чансинь қаласындағы Geely зауыт директорының орынбасары Zhao Hongjie, Қазақстандағы Geely Auto International Corporation өкілі Кай Ян және Қазақстандағы Geely дистрибьюциясының директоры Виктор Нестеров қатысты.
Қазақстандық қонақтар гибридті қуатты қондырғы мен жоғары экологиялық моторлы Geely инновациялық моделі өндірілетін озық кәсіпорынмен танысты. Чансинь қаласындағы ең жаңа зауыт - бұл Қытайдағы заттардың және бұйымдардың өнеркәсіптік интернет технологиясы және 5G бар алғашқы автомобиль өндірісі. Мұнда инновациялардың арқасында бұл класстағы үздік шанақтың қатаңдығы мен қосылыстардың дәлдігіне қол жеткізілді. Кәсіпорынның өндірістік желілерінде Rolls-Royce және Porsche зауыттарындағыдай прецизионды штамптар қолданылады. Дәнекерлеу, желімдеу, сапаны бақылау және негізгі өлшемдерді тексеру процестері толық автоматтандырылған. Ал 5G желісі арқылы нақты уақыт режимінде құбырдағы әрбір қосылысты қатайту сәтін лезде онлайн бақылау функциясы әрбір нүктеде берілген параметрлерді дәл сақтауға мүмкіндік береді.
Қазақстандағы Geely дистрибьюциясының директоры Виктор Нестеровтың айтуынша, қол қойылған меморандум болашақта Қазақстандағы қытай маркасының модельдік қатарын кеңейтуге мүмкіндік береді.
"Қазақстандықтар жоғары сапалы гибридті автомобильдерді қолжетімді бағамен алатын болады, олар корпоративтік клиенттер үшін де тартымды болады. Негізі, Geely-де Қазақстанда корпоративтік сектор үшін тиімді бағдарламалар қарастырылған, қазір арнайы ұсыныс бар, онда тікелей пайда мөлшері сатып алынатын автомобильдердің санына тікелей байланысты. Біз жоғары сапа деңгейінде жасалған бұл машиналарды еліміздегі тұтынушылар жоғары бағалайтынына сенімдіміз ", - деді Виктор Нестеров.
Атап айтқанда, Чансинь қаласындағы жоғары технологиялық зауытта өндірілетін Geely Emgrand - бұл жүргізушіге көмектесу жүйесінің кең спектрі мен жайлылық функцияларының орасан зор кешеніне ие заманауи, жайлы, үнемді жеңіл автомобиль. Emgrand седандары жоғары сапа мен оңтайлы бағаның, сондай-ақ инновациялық технологиялардың кең спектрінің арқасында елімізде жоғары сатылымға ие. Делегацияға қатысқан Ққзақстандық сарапшылардың атап өткеніндей, бұл автомобиль өзінің жоғары сенімділігі, жайлылық деңгейі және барлық тораптар мен агрегаттардың жоғары ресурстары арқасында корпоративтік сектор үшін өте қолайлы.
Наурыз айындағы сапар барысында Қазақстаннан келген делегация ҚХР-дың бірнеше қалаларында болып, өндірісті ұйымдастыру жүйесімен және Geely инновациялық технологияларымен жан-жақты танысты. Қазақстандық автомобиль сарапшылары мен мамандарының мойындауынша, оларға компанияның Нинбодағы ғылыми-зерттеу орталығы үлкен әсер қалдырды, ол барлық компоненттерді жеткізушілердің бірлескен әзірлемесін зерттеу мен дамытудың, сынаудың, сапаны бақылаудың бірыңғай циклі аясында біріктірді.
Делегацияның 43 қатысушысы қатарында Geely компаниясының тұрақты серіктестері - таксомоторлық бизнес, сондай-ақ Қазақстанның лизингтік компанияларының өкілдері болды. Сапар барысында автоөндіруші мен таксомоторлық сектордың бірнеше компаниялары арасында келісімшарттарға қол қойылды. Geely өкілдері қорытынды брифинг барысында компанияның Қазақстандағы өз позициясын нығайтуды жалғастыратынын және сатылымның одан әрі өсетінін атап өтті.
