Geely Go Өскеменде Geely автокөлік иелерін алғаш рет бір арнаға тоғыстырды
2026 жылғы 25 шілдеде Өскемен қаласында Geely Go қауымдастығының алғашқы өңірлік автосапары өтті. Бұл – Қазақстанның түкпір-түкпіріндегі Geely автокөлік иелерін біріктіретін жоба. Аталған іс-шара Шығыс Қазақстан облысында алғаш рет ұйымдастырылып, 70 қатысушыны біріктірді. Олар 28 Geely автокөлігімен бірлескен сапарға аттанды. Ұйымдастырушылардың көліктерін қоса есептегенде, автокеруен 30 көліктен құралды.
Geely Go – бұл жай ғана автокөлік иелерінің кездесуі емес. Бұл – ортақ қызығушылықтары бар адамдардың қауымдастығы. Мұнда Geely иелері бір-бірімен танысып, тәжірибе алмасып, жаңа бағыттарды бірге зерттеп, саяхатқа және белсенді өмір салтына деген ортақ қызығушылықтарын бөліседі.
Алғашқы автосапардың бағыты Өскемен қаласынан Шығыс Қазақстанның ең көрікті табиғи орындарының бірі – Сібе көлдеріне дейін жалғасты. Алдын ала әзірленген бағыт бойынша қозғалған 30 көліктен тұратын автокеруен жол бойындағы көркем аялдамаларға тоқтап, өңірдің табиғи көрікті жерлерімен танысты. Бағдарлама аясында қатысушылар бірлескен саяхатқа шығып, еркін форматта пікір алмасып, әсерлерімен бөлісті.
Іс-шараның арнайы қонағы ретінде танымал ресторатор әрі блогер Мұхтар Тойбазаров қатысты. Ол автосапар барысында қатысушылармен бірге болып, Шығыс Қазақстанның тарихы, дәстүрлері мен мәдени мұрасы жайлы қызықты мәліметтермен бөлісті. Сонымен қатар, қатысушыларға Шығыс Қазақстанның дәстүрлі асханасымен танысуға мүмкіндік жасап, өңірдің гастрономиялық ерекшеліктерін таныстырды. Осылайша, автосапар табиғат аясындағы саяхатпен қатар, өңірдің мәдениеті мен ұлттық тағамдарын жақынырақ тануға мүмкіндік берді.
Іс-шара әлеуметтік желілерде де кеңінен жарияланды. Мұхтар Тойбазаровпен бірлескен коллаборация аясында 1 бірлескен Reels және 15 Stories жарияланып, Geely Go қауымдастығының атмосферасы мен саяхаттың жарқын сәттері көпшілікке ұсынылды.
Өскемендегі алғашқы Geely Go автосапары жобаның өңірлердегі дамуы мен географиясының кеңеюіндегі маңызды кезеңдердің бірі болды. Бүгінде Geely Go Қазақстанның түкпір-түкпіріндегі Geely иелерін біріктіріп, жаңа таныстықтарға, бірлескен саяхаттарға және жарқын әсерлерге жол ашатын бірегей қауымдастыққа айналып келеді.
Geely Go – бұл автокөлік жаңа бағыттарды бірге ашуға, пікірлес жандармен танысуға және ұмытылмас естеліктер жасауға себеп болатын қауымдастық. Алдағы уақытта мұндай өңірлік автосапарлар Қазақстанның басқа қалаларында да жалғасып, Geely иелерінің үлкен қауымдастығын одан әрі кеңейте береді.
